Sérstaklega þarf að huga að því hvaða efni er sett á vefinn. Dæmi eru um að sakleysislegum myndum úr sundferðum eða öðrum tómstundum sé breytt og þær jafnvel teknar úr samhengi með því að setja afrit á aðrar síður.
Nýlega fjallaði Ísland í dag um mál þar sem kona fann mynd af barni sínu á vefsíðu bandarískra kynþáttahatara. Hún hafði farið með barnið á ljósmyndastofu þar sem myndin var tekin og síðan sett á Flickr myndasíðu, með leyfi foreldris. Myndin var merkt ljósmyndara en það kom ekki í veg fyrir að henni væri stolið og hún notuð í ógeðfelldum tilgangi.
Mikilvægt er að skoða vel allar friðhelgisstillingar á Facebook, merkja myndir og setja jafnvel klausu um höfundarrétt á myndavefi svo hægt sé að sækja rétt sinn ef út í það fer.
F.h. Heimilis og skóla – Landssamtaka foreldra og SAFT:
Hrefna Sigurjónsdóttir
Framkvæmdastjóri Heimilis og skóla
Sími: 516 0104
Netfang: hrefna@heimiliogskoli.is