Ágætu foreldrar og foráðamenn nemenda í Giljaskóla
Nú er vor í lofti og því fylgir að hjól, línuskautar, hjólabretti og hjólaskór eru tekin úr vetrargeymslu
og notuð óspart.
Í því samhengi viljum við minna á eftir farandi úr skólareglunum okkar:
“Nemendum frá og með 5. bekk er heimilt að koma á hjóli í skólann þegar færð leyfir, en skylt er samkvæmt lögum að
nota reiðhjólahjálm. Foreldrar bera ábyrgð á að þeirri skyldu sé framfylgt.
Við notum ekki reiðhjól, hjólabretti, hlaupahjól, línu- eða hjólaskauta og hjólaskó á
skólalóðinni á skólatíma.”
Einnig viljum við minna á að eins og er höfum við ekki aðstöðu til geymslu á hjólum, hjólabrettum eða línuskautum
á meðan nemendur eru í skólanum og helst vildum við að nemendur kæmu gangandi í skólann.
Borið hefur á því að nokkrir nemendur hafa ekki virt frímínútnabann á á notkun hjóla, línuskauta, hjólabretta
o.þ.h. Sú notkun skapar mikla slysahættu á skólalóðinni og viljum við biðja ykkur að ræða það við börnin
ykkar.
Í vor verður væntanlega farið í hjólaferðir með hópa frá 5.bekk og eldri og fer enginn í hjólaferð
á vegum skólans án reiðhjólahjálms. Við viljum minna ykkur, ágætu foreldrar, á ábyrgð ykkar að enginn komi
á hjóli í skólann án reiðhjólahjálms.
Með ósk um góða samvinnu nú sem áður við að passa uppá öryggi barnanna okkar.
Kveðja
Starfsfólk Giljaskóla