Sigur í ritgerðasamkeppni

Gabríel Snær Jóhannesson 8. BKÓ var einn af tíu nemendum á landinu sem sigruðu í samkeppninni Kæri Jón. Um er að ræða ritgerðasamkeppni nemenda í 8. bekk sem sérstök afmælisnefnd stendur fyrir í samvinnu við mennta- og menningarmálaráðuneytið vegna 200 ára fæðingarafmælis Jóns Sigurðssonar þann 17. júní nk. Nemendur í 8.BKÓ tóku þátt í samkeppninni sem var hluti af samfélagsfræðikennslu og voru send þrjú verkefni suður í keppnina auk verkefnisins hans Gabríels.

Hundrað verkefni fá viðurkenningar en aðeins tíu fá aðalverðalun en það eru þau verkefni sem þykja skara fram úr. Gabríel er einn af þessum 10 á landinu sem hlýtur aðalverðlaun!  Hann mun taka við viðurkenningu frá menntamálaráðherra í Þjóðmenningarhúsinu á laugardaginn kl. 14:00.

Við erum stolt af Gabríel Snæ og óskum honum til hamingju með þennan glæsilega árangur.