Fréttir

Sannkölluð jólastemmnig hefur verið á bókasafninu undanfarið.Allar bekkjardeildir koma ásamt kennurum sínum, hlýða á upplestur og kynningu á nýútkomnum bókum og þiggja piparkökur.

Fjölskyldum  nemenda sérdeildarinnar var boðið í morgunkaffi 24.nóvember.Allir áttu notalega stund saman bæði börn og fullorðnir.Jón Baldvin og Þorgerður mættu auðvitað og Ragga sagði smá frá starfinu í sérdeild.

Miðvikudaginn 8.des  kl.15 bjóða börnin í Frístund fjölskyldum sínum til jólastundar, boðið verður upp á kakó og smákökur við kertaljós og söng.

23.nóvember sl.kom slökkviliðið í heimsókn í 3.bekk en það er liður að eldvarnarátaki þeirra.  Einn af þeim var klæddur í reykköfunarbúning sem nemendum fannst mjög spennandi að sjá.

Í Giljaskóla er fullveldisdagurinn alltaf haldinn hátíðlegur og mæta nemendur og starfsfólk í betri fötunum af því tilefni.Samkoma er á sal þar sem rifjaðir eru upp atburðir fullveldisdagsins 1918 og sungin nokkur ættjarðarlög.

Samkvæmt venju verður eitthvað um að hefðbundin kennsla sé brotin upp í desember í tengslum við hátíð ljóss og friðar.Reynt er að skapa notalegt andrúmsloft innan veggja skólans og búa þannig um hnútana að allir finni eitthvað við sitt hæfi.

Í morgun var tekið í notkun nýtt poolborð í Dimmuborgum nemendum og starfsfólki til mikillar ánægju.  Skólastjórinn, Jón Baldvin tók fyrsta skotið og fyrsta leikinn tóku svo elstu nemendur skólans þau Sandra María Jessen  og Elmar Þór Aðalsteinsson.

1.GS/LS heimsótti sérdeild og fengu að kynnast nemendum og starfsfólki.  Að lokum sungu þau nokkur jólalög.Myndir af heimsókninni hér.

Þeir fáu karlmenn í Giljaskóla hafa ákveðið að standa þétt saman og hafa stofnað félagið Giljafolar. Þeir héldu daginn hátíðlegan, vígðu könnur sem merktar eru félaginu og þeim sjálfum, buðu uppá bakkelsi með kaffinu í morgun sér og konum skólans til mikillar ánægju.