Fréttir

Nú hefur verið opnað fyrir tilnefningar til Foreldraverðlauna Heimilis og skóla á heimasíðu okkar www.heimiliogskoli.is Annars vegar óskum við eftir tilnefningum til Foreldraverðlaunanna, en þar leitum við eftir góðum verkefnum sem hafa það að markmiði að efla samstarf heimila og skóla og/eða samfélags með einhverjum hætti. Einnig óskum við eftir tilnefningum í Dugnaðarfork Heimilis og skóla en þar erum við að tala um einstaklingsviðurkenningu til einhvers sem hefur lagt mikið af mörkum til eflingar á samstarfi foreldra, skóla og samfélags.

Í tilefni af vitundar- og styrktarátakinu BLÁR APRÍL sem er nú haldið í sjötta sinn, eru börn og fullorðnir hvattir til að klæðast bláu þriðjudaginn 2. apríl til að sýna einhverfum stuðning og samtöðu. Undanfarin ár hafa margir brugðið á það ráð að birta myndir á samfélagsmiðlum með myllumerkinu #blarapril sem hefur lífgað upp á daginn og hjálpað til við að breiða út boðskapinn. Sem fyrr er það Blár apríl - Styrktarfélag barna með einhverfu sem að bláa deginum stendur. Markmið átaksins er að vekja athygli á einhverfu og safna fé til styrktar málefnum er varða börn með einhverfu. Öll starfsemi styrktarfélagsins er unnin í sjálfboðavinnu og allt styrktarfé rennur óskert til söfnunarátaksins. Á fyrsta starfsári félagsins leiddi styrktarátakið til þess að hægt var að

Skólahreystikeppnin milli grunnskóla Akureyrar verður haldin í íþróttahöllinni við Skólastíg miðvikudaginn 3. apríl frá kl.13:00-15:00. 8. - 10. bekkur fara frá Giljaskóla um kl. 12. Litur skólans í keppninni er bleikur svo gaman væri ef nemendur gætu verið klædd eða skreyta sig með þeim lit. ÁFRAM GILJASKÓLI!!!

Í gær fór fram fótboltamót FÉLAK (Félagsmiðstöðvar Akureyrar) fyrir 7.bekki bæjarins. Um er að ræða árlegt mót þar sem krakkarnir setja sjálfir saman sitt lið og keppa en að þessu sinni fór mótið fram í íþróttahúsinu við Naustaskóla. FÉLAK heldur reglulega stærri viðburði sem eru ætlaðir miðstigi úr öllum skólunum og er fótboltamótið einn af þeim viðburðum, þó aðeins fyrir 7.bekk. Sex lið tóku þátt og voru keppendur úr

Líkt og undanfarin ár taka börn í 5. bekk í Giljaskóla þátt í söfnuninni Börn hjálpa börnum á vegum ABC hjálparsamtaka. Þau munu ganga í hús í hverfinu með söfnunarbauka frá 19.mars. Þetta er 22. árið sem þessi söfnun grunnskólabarna fer fram og er hún mjög mikilvæg fjáröflun fyrir ABC barnahjálp. Fyrir afrakstur þessara safnana í gegnum árin hafa verið fjármagnaðar byggingar fjölmarga skóla og heimila fyrir fátæk börn í Afríku og Asíu. Margt smátt gerir eitt stórt – takið vel á móti krökkunum.

Í gær, 13. mars, var haldin árleg upplestrarkeppni Giljaskóla sem er undankeppni fyrir Stóru Upplestrarkeppnina sem haldin verður í Menntaskólanum á Akureyri í næstu viku. Keppnin er fyrir nemendur 7. bekkjar. Fyrir daginn í dag hafði verið haldin forkeppni í báðum bekkjum árgangsins og fimm úr hvorum bekk valin. Skáld keppninnar voru Birgitta Elín Hassel og Marta H. Magnadóttir sem eru höfundar bókarinnar Gjöfin sem er í bókaflokknum óhugnanlega Rökkurhæðir og Davíð Stefánsson ljóðskáld. Krakkarnir lásu eitt textabrot og svo ljóð og allir skiluðu hvoru tveggja af stakri prýði. Keppnin var