10.02.2020
Síðastliðinn föstudag, þann 7. febrúar, var 4. bekkur með sameiginlegt þorrablót. Hver nemandi kom með þorramat að heiman og lagði á sameiginlegt hlaðborð. Nemendur fengu fræðslu um upphaf þorrablóta og afhverju borðaður er súrmatur. Á hlaðborðinu mátti finna allar helstu tegundir af þorramat og voru nemendur óhræddir við að prófa að smakka bæði hákarl og súrsaða hrútspunga. Þorrablótið var skemmtileg byrjun á vinnu um íslenska þjóðhætti sem er næst á dagskrá hjá 4.bekk.
Lesa meira
05.02.2020
Útivistardegi 6. febrúar festað. Ný dagssetning 18. febrúar
Lesa meira
31.01.2020
Fimmtudaginn 6. febrúar 2020 er nemendum Giljaskóla boðið í Hlíðarfjall.
Lesa meira
31.01.2020
Í janúar vorum við með söfnun fyrir börnin okkar, dreng að nafni Ibrahim Famba Mohamed og stúlku, Kevine Jenneth Akello. Þau búa bæði í Uganda og fá styrk frá okkur svo þau geti gengið í skóla og fengið þar máltíð og heilsugæsluþjónustu.
Lesa meira
10.01.2020
Nú er komið á heimasíðu Giljaskóla eyðublað sem hægt er að nota til að tilkynna einelti eða grun um einelti. Hlekkinn er að finna á forsíðu heimasíðunnar undir "tenglar". Við hvetjum aðila skólasamfélagsins til að nýta þennan hlekk eða hafa samband við umsjónarkennara ef grunur vaknar um einelti. Rafrænar tilkynningar berast til námsráðgjafa sem er aðili í aðgerðarteymi skólans. Fer erindið þá fyrir aðgerðarteymið og vinnur teymið ásamt umsjónarkennara og foreldrum að könnun og úrlausn málsins. Unnið eftir aðgerðaráætlun skólans gegn einelti. Við hvetjum foreldra til að kynna sér þá áætlun sem er að finna hér á heimasíðu skólans.
Lesa meira
08.01.2020
Valgreinar falla niður í dag vegna veðurs.
Lesa meira
08.01.2020
Gefin hefur verið út appelsínugul veðurviðvörun fyrir Norðurland eystra. Samkvæmt veðurspá gengur vestan- og suðvestanhvellur yfir svæðið um miðjan dag eða frá um kl. 11 til 14. Spáð er vindhraða upp á um 20 m/s og talsverðri úrkomu. Búast má við samgöngutruflunum og börn ættu ekki að vera ein á ferli meðan tvísýnt er. Þar sem spáin gefur til kynna að áhlaupið verði afmarkað og standi stutt yfir þá er ekki talin ástæða til að aflýsa skólastarfi. Hins vegar er mælst til þess að foreldrar og forráðamenn barna kynni sér stöðu mála og hugi sérstaklega að skólalokum og heimferð barna.
Lesa meira
23.12.2019
Starfsfólk Giljaskóla óskar nemendum, foreldrum og öðrum velunnurum skólans gleðilegra jóla og farsældar á nýju ári. Þökkum gott samstarf á árinu sem er að líða.
Skólahald hefst aftur samkvæmt stundaskrá mánudaginn 6. janúar.
Lesa meira
11.12.2019
Skólahald verður hjá okkur eins og í öllum skólum bæjarins á morgun, fimmtudag, samkvæmt dagskrá. Veðrið virðist ganga hægar niður en spáð var og því hefur gengið hægar að hreinsa götur bæjarins. Framkvæmdamiðstöð reiknar með að moka fram á kvöld og hefja mokstur kl. 4 í fyrramálið. Veðurspáin hljóðar upp á 13-18 m/s og él.
Þið foreldrar metið að sjálfsögðu ykkar aðstæður og ef erfitt er að koma til skóla strax í fyrramálið sýnum við því skilning.
Við óskum þó eindregið eftir að vera látin vita svo við vitum af börnunum á öruggum stað.
Lesa meira
