Fréttir

Skólahald verður hjá okkur eins og í öllum skólum bæjarins á morgun, fimmtudag, samkvæmt dagskrá. Veðrið virðist ganga hægar niður en spáð var og því hefur gengið hægar að hreinsa götur bæjarins. Framkvæmdamiðstöð reiknar með að moka fram á kvöld og hefja mokstur kl. 4 í fyrramálið. Veðurspáin hljóðar upp á 13-18 m/s og él. Þið foreldrar metið að sjálfsögðu ykkar aðstæður og ef erfitt er að koma til skóla strax í fyrramálið sýnum við því skilning. Við óskum þó eindregið eftir að vera látin vita svo við vitum af börnunum á öruggum stað.

Allt skólahald fellur niður í dag, miðvikudaginn 11. desember, í leik- og grunnskólum Akureyrarbæjar og í Tónlistarskólanum á Akureyri vegna veðurs og ófærðar.

Skólahald fellur niður á Akureyri frá kl. 13. Frístund lokar einnig þá. Við mælumst til að foreldrar barna í 1. - 4. bekk sæki börn sín og óskum eftir að þeir foreldrar sem ætla að sækja eldri börn láti okkur vita svo við getum komið skilaboðum til þeirra. Senda má póst til Kristínar skólastastjóra, kristinj@giljaskoli.is., Ekki hefur verið tekin ákvörðun varðandi morgundaginn, við látum ykkur vita um leið og ákvörðun liggur fyrir.

Mánudaginn 2. des kemur allur skólinn saman í íþróttasal skólans kl. 8.50 til að eiga huggulega stund saman, syngja og hlýða á fróðleik í tengslum við fullveldisdaginn. Að þessu sinni verður þetta ekki sparifatadagur, m.a. vegna þess að þennan dag notum við líka til að föndra og skreyta skólann.