Fréttir

Kæru foreldrar / forráðamenn nemenda Giljaskóla Nú eru orðnar breyttar aðstæður hjá okkur í grunnskólunum í kjölfar samkomubanns vegna COVID - 19. Á vef almannvarna kemur eftirfarandi fram varðandi samkomubann: Grunnskólar mega hafa kennslu í skólabyggingum ef þeir tryggja að ekki séu fleiri en 20 nemendur í sömu kennslustofu og að nemendurnir blandist ekki milli hópa, til dæmis í mötuneyti eða frímínútum. Eins þarf að þrífa eða sótthreinsa skólabyggingarnar eftir hvern dag. Eins og gefur að skilja hefur þessi tilskipun í för með sér talsvert miklar breytingar á hefðbundnu skólastafi sem við erum nú að skipuleggja. Skólinn hefur fjölgað í öryggisráði skólans sökum aðstæðna. Ráðið fundar daglega meðan neyðarstig stendur yfir. Í ráðinu sitja Kristín, Vala og Helga Rún (stjórnendur skólans), Hrefna (úr sérdeild), Gummi smíðakennari, Ingunn (skólasafnskennari), Ella ritari, Sigfús (kennari á unglingastigi) og Gummi húsvörður.

Í ljósi aðstæðna hefur kvöldverði (10. bekkjar), afhendingu stuttmyndaverðlauna og árshátíðarballi sem átti að vera í kvöld verið frestað um óákveðinn tíma.

Kjölur var meðal þeirra stéttarfélaga sem skrifaði undir samninga laust fyrir miðnætti. Verfalli var þar með aflýst. Skólahald og ferliþjónusta verður því með eðlilegum hætti í dag.

Þar sem búið er að staðfesta COVID-19 smit á Íslandi viljum við benda á viðbragðsáætlun Giljaskóla við heimsfaraldri. Þar sem þessar fréttir geta valdi ótta og kvíða hjá börnum viljum við minna á að ræða þessi mál af yfirvegun við þau. Við munum halda okkar striki og reiknum með óbreyttu skólahaldi nema að yfirvöld mælist til um annað. Nemendur mega þó búast við að kennarar verði duglegir að minna þau á handþvott og annað sem hindrar smit.

Stuttmyndasýning 3. mars í íþróttahúsinu. Sjö stuttmyndir byggðar á handritum nemenda verða sýndar. Aðgangseyrir er 500 krónur fyrir fullorðna og gesti. Nemendur í Giljaskóla og yngri börn borga ekki aðgangseyri. Miðasala verður við innganginn í íþróttahúsinu. Það er ekki posi á staðnum. Sjoppa verður opin.

Sjónlistakennari Giljaskóla, ásamt sjónlistakennurum Naustaskóla og Grenivíkurskóla, sótti um styrk vegna Barnamenningarhátíðar nú í vor. Verkefnið sem um er að ræða er listasýning sem unnin er út frá sáttmála Sameinuðu þjóðanna um réttindi barnsins. Hlaut verkefnið styrk og mun hluti nemenda skólans taka þátt í að útbúa verk á sýninguna. Opnun sýningarinnar verður auglýst síðar ásamt

Akureyrarbær býður grunn- og framhaldsskólanemum á Akureyri frítt í sund og á skíði. Miðvikudaginn 26. febrúar, fimmtudaginn 27. febrúar og föstudaginn 28. febrúar geta grunn- og framhaldsskólanemar á Akureyri farið í skíðalyfturnar í Hlíðarfjalli og í sundlaugar Akureyrar án endurgjalds. Grunnskólanemendur gefa upp kennitölu og nafn skóla í afgreiðslu og framhaldsskólanemar VMA og MA framvísa nemendaskírteinum. Athugið að krakkarnir þurfa að eiga rafrænt kort eða kaupa slíkt á 1.000 kr. í skíðalyfturnar, kortin fást í afgreiðslu Hlíðarfjalls.

Við minnum á að á morgun, þriðjudaginn 18. febúar, verður skíðadagur í Hlíðarfjalli. Við biðjum foreldra um að kynna sér það skipulag sem sent hefur verið heim og sjá til þess að krakkarnir komi vel búnir og nestaðir.