08.01.2020
Gefin hefur verið út appelsínugul veðurviðvörun fyrir Norðurland eystra. Samkvæmt veðurspá gengur vestan- og suðvestanhvellur yfir svæðið um miðjan dag eða frá um kl. 11 til 14. Spáð er vindhraða upp á um 20 m/s og talsverðri úrkomu. Búast má við samgöngutruflunum og börn ættu ekki að vera ein á ferli meðan tvísýnt er. Þar sem spáin gefur til kynna að áhlaupið verði afmarkað og standi stutt yfir þá er ekki talin ástæða til að aflýsa skólastarfi. Hins vegar er mælst til þess að foreldrar og forráðamenn barna kynni sér stöðu mála og hugi sérstaklega að skólalokum og heimferð barna.
Lesa meira
23.12.2019
Starfsfólk Giljaskóla óskar nemendum, foreldrum og öðrum velunnurum skólans gleðilegra jóla og farsældar á nýju ári. Þökkum gott samstarf á árinu sem er að líða.
Skólahald hefst aftur samkvæmt stundaskrá mánudaginn 6. janúar.
Lesa meira
11.12.2019
Skólahald verður hjá okkur eins og í öllum skólum bæjarins á morgun, fimmtudag, samkvæmt dagskrá. Veðrið virðist ganga hægar niður en spáð var og því hefur gengið hægar að hreinsa götur bæjarins. Framkvæmdamiðstöð reiknar með að moka fram á kvöld og hefja mokstur kl. 4 í fyrramálið. Veðurspáin hljóðar upp á 13-18 m/s og él.
Þið foreldrar metið að sjálfsögðu ykkar aðstæður og ef erfitt er að koma til skóla strax í fyrramálið sýnum við því skilning.
Við óskum þó eindregið eftir að vera látin vita svo við vitum af börnunum á öruggum stað.
Lesa meira
11.12.2019
Allt skólahald fellur niður í dag, miðvikudaginn 11. desember, í leik- og grunnskólum Akureyrarbæjar og í Tónlistarskólanum á Akureyri vegna veðurs og ófærðar.
Lesa meira
10.12.2019
Vegna veðurs og aðstæðna fellur allt skólahald niður til hádegis á morgun, miðvikudaginn 11. desember. Staðan verður tekin kl. 10 í fyrramálið varðandi framhaldið. Foreldrar fá póst þegar nánari ákvörðun hefur verið tekin varðandi skólahald eftir hádegið. Ekki er gert ráð fyrir hádegismat í skólanum.
Lesa meira
10.12.2019
Svalasöngur er yndisleg jólahefð hér í Giljaskóla. Þá kemur allur skólinn saman á göngum og svölum skólans og syngur saman jólalög með Röggu sem forsöngvara, Siggu Huldu tónmenntakennara á píanó og Jón Baldvin fyrrverandi skólastjóra á gítar.
Hvert sinn er sungið í 10-15 mínútur og virðast flestir hafa virkilega gaman af.
Lesa meira
10.12.2019
Skólahald fellur niður á Akureyri frá kl. 13. Frístund lokar einnig þá.
Við mælumst til að foreldrar barna í 1. - 4. bekk sæki börn sín og óskum eftir að þeir foreldrar sem ætla að sækja eldri börn láti okkur vita svo við getum komið skilaboðum til þeirra. Senda má póst til Kristínar skólastastjóra, kristinj@giljaskoli.is.,
Ekki hefur verið tekin ákvörðun varðandi morgundaginn, við látum ykkur vita um leið og ákvörðun liggur fyrir.
Lesa meira
10.12.2019
Þessa dagana taka nemendur 10. bekkjar þátt í verkefninu ,,börnin bjarga“. Tilgangur verkefnisins er að kenna nemendum í 6. til 10. bekk endurlífgun, markvisst og árlega. Rannsóknir sýna að slík kennsla eykur fjölda þátttakenda í endurlífgun umtalsvert og bætir lífslíkur í kjölfar hjartastopps utan spítala svo um munar. Markmiðið er að öll börn sem útskrifast úr grunnskóla kunni að bregðast við hjartastoppi og beita hjartahnoði og bjarga þannig mannslífum.
Lesa meira
09.12.2019
Vikuna 9. - 13.desember verður símalaus vika í öllum skólum Akureyrar. Við í Giljaskóla erum að sjálfsögðu með í því. Það þýðir að nemendur eiga ekki að vera með símana á lofti í frímínútum en unglingastigið hefur mátt það þar sem þau eru inni. Nemendur á miðstigi og yngstastigi, sem eru með síma, passa að hafa hann á flugstillingu, slökt á hljóði eða slökt á símanum á meðan að skóla stendur. nemendaráð skólans hefur undirbúið dagskrá fyrir unglingastigið til að skemmta sér við í frímínútum.
Lesa meira
