Fréttir

Jafnrétti er einn af grunnþáttum menntunar í nýrri aðalnámskrá.Grunnþættir menntunar eru sex og skulu vera leiðarljós í almennri menntun og starfsháttum allra skóla.Allir grunnskólar á Akureyri hafa jafnframt gert sér jafnréttisáætlun sem vinna ber eftir í námi og kennslu í samræmi við markmið aðalnámskrár og aðalatriðin eru að nemendur fræðist um jafnrétti með fjölbreyttum og skapandi vinnubrögðum.

Norræna skólahlaupið fer fram í dag föstudaginn 6.september í 1.- 7.bekk og í unglingadeild í gær, fimmtudag.Tilgangurinn með því er tvíþættur.Annarsvegar að taka þátt í samnorrænu hlaupi og hins vegar að safna fé til styrktar ABC hjálparstarfi.

Inn á skóladagatalið vantar lokunardaga Frístundar.Þeir eru 4.október, 2.janúar og 5.mars.

Nýjung verður í vetur í tónlistarlífi Giljaskóla.Við hefjum haustið með stofnun nýs Barnakórs fyrir 1.-4.bekk.Kóræfingar verða á mánudögum kl.13:15-13:45, 30 mínútur með miklum söng.

Akureyrarbær hefur hætt að senda út greiðsluseðla vegna leikskólagjalda, skólafæðis og frístundar.Innheimtukröfur munu því eftirleiðis eingöngu birtast í heimabönkum.

Nemendur sem eru að koma í 1.bekk verða boðaðir sérstaklega í viðtal til umsjónarkennara sinna dagana 22.og 23.ágúst.Foreldrar/forráðamenn fá bréf og tölvupóst um nánari tímasetningar á næstu dögum.