Fréttir

Rauð veðurviðvörun skellur á hér á Akureyri kl. 10 á morgun, fimmtudaginn 6. febrúar, og stendur til um kl. 16. Verst verður veðrið á Tröllaskaga (þar sem skólahaldi hefur verið aflýst) en áhrifa mun gæta hjá okkur á Akureyri. Eins og staðan er núna gerum við ráð fyrir að leik- og grunnskólar Akureyrarbæjar verði opnir, en skv. verklagsreglum okkar (sjá viðhengi) verða foreldrar að meta sjálfir hvort óhætt sé að senda barn í skólann og eru þeir hvattir til að fylgja barni eða aka því í skólann. Sé barn heima vegna veðurs eða ófærðar er nauðsynlegt að tilkynna það í síma eða með tölvupósti til skólans.

Miðvikudaginn 29. janúar er nemendum í Giljaskóla boðið í Hlíðarfj all. Ekki verður hefðbundin kennsla þennan dag, en utanskóla valgreinar verða þó kenndar eftir hádegið. Að þessu sinni er Skautahöllin ekki í boði. Nemendur í 1.-4. bekk mæta í skólann kl. 8:10 (rútur fara 9:45 og skóla lýkur um kl. 12:15 (rútur frá fj alli 11:45) Nemendur í 5. -7. bekk mæta í skólann kl. 8:30 (rúta fer 8:45) og skóla lýkur kl. 12:30 (rúta frá fj alli 12:00) Nemendur í 8.- 10. bekk mæta í skólann kl. 8:40 (rúta fer 9:00) og skóla lýkur kl: 12:40 (rúta frá fj alli 12:15).

Góð þátttaka í lestrarátaki Nemendur skólans hafa nýtt síðustu tvær vikur til að leggja enn frekari rækt við lesturinn. Eftir hvern lestur skráðu nemendur þær mínútur sem þeir lásu og lituðu einn tetris kubb. Í heildina lásu nemendur um 74 þúsund mínútur. Hér má sjá súlurit þar sem sést lestur hvers stigs.

Dagur íslenskrar tónlistar var haldinn hátíðlegur síðastliðinn föstudag. Af því tilefni hópuðust nemendur og starfsfólk saman í íþróttahúsið, hlustuðum saman á setningu og sungu saman ,,Húsið og ég" eftir að hafa hlustað á fluttning Helga Björnssonar á laginu.

Hátíðardagskrá í tilefni að Degi íslenskrar tónlistar var haldin í Hörpu í morgun 29. nóvember kl. 10:00. Af því tilefni fóru allir árgangar í Giljaskóla sem voru í húsi niður í íþróttahús, hlustuðu á Helga Björnsson flytja lagið ,,Húsið og ég" , af því loknu var samsöngur þar sem allir tóku vel undir.

Giljaskóli hefur fengið prufuaðgang að heimalestursappinu Læsir og ætlar að prófa notkun á því með foreldrum á yngsta stigi (1.-4.bekkur). Læsir á að koma í staðinn fyrir hina hefðbundnu skráningu á heimalestri þar sem nemandi hefur gengið á milli heimilis og skóla með ákveðið hefti þar sem foreldri hefur kvittað fyrir heimalestri barnsins. Þessi aðferð er barns síns tíma og teljum við betra að færa okkur yfir í rafræna skráningu til að halda betur utan um lestur nemenda.